आमच्या नागपूरची थंडी म्हणजे काय विचारता, अगदी गारठवणारी. अर्थात सगळेच ऋतू टोकाचेच आहेत / होते नागपुरात. त्यावेळी केश तेलाची फार वैविधता नव्हती उपलब्ध बाजारात आज सारखी. फक्त खोबरेल तेल ते काय असायचं, Parachute कंपनीचं. एका छोट्या निळ्या लहान प्लास्टिकच्या डब्यात किंवा उभ्या बाटली तत्सम पॅकिंग मध्ये मिळायचं. आणि नेमकं ते थंडीत थिजायच. मग आमची रोजची कसरत सुरु व्हायची, गरम पाण्यात ठेव, गॅस वर धर आणि बरच काही. त्यामुळे काय व्हायचं ना कि त्या बिचाऱ्या छोट्याश्या प्लास्टिक डब्याचा आकारच बदलून जायचा, विचित्र पद्धतीने. पण ती मज्जा काही औरच होती. आता तंत्र ज्ञानामुळे खोबरेल तेल सुगंधी झालय आणि थिजत पण नाही. फक्त आठवणीच राहिल्या आहेत. पण आज हे लिहिण्याचं कारण म्हणजे परवा मी महिन्याचं सामान बिग बास्केट वरून मागवत होते तेव्हा मला तीच निळी Parachute ची डब्बी दिसली ऑनलाईन संगणकावर. अहाहा मस्तच वाटलं. काय दिवस होते ते, भन्नाटच.
कोणत्याही टिप्पण्या नाहीत:
टिप्पणी पोस्ट करा