छोटी भूक

 चितळे ची बाखरवडी...
एवढ्यातच मी जेव्हा दुकानात गेले तेव्हा एक नवीन पाकीट दृष्टीस पडलं पहिल्यांदाच. ते होत चितळेंची छोटी बाखरवडी. ताबडतोब विकत घेतलं आणि घरी आल्या आल्या चाखून पाहिलं. मुलांना फारच आवडला हा बदल, पण मला नेहेमीचीच मोठ्या आकाराची वडी भावली. आज पुन्हा प्रसंग आला चितळें कडे जाण्याचा आणि बघते तर काय, एका अतिशय गोड अश्या तांबूस-गुलाबी रंगाच्या छोट्याखानी पाकिटा कडे माझी नजर गेली. आणि बघते तर काय ते पाकीट होत फक्त ३ मोठ्या बाखरवड्यांच. अप्रतिमच कल्पना. दप्तरात, पर्स मध्ये, प्रवासात अगदी सहज घेऊन जाण्या साठी योग्य. कारण मोठं पाकीट म्हणे नायट्रोजन वापरून बंद केलं असत आणि जसं हि तुम्ही ते पाकीट उघडलं कि काही वेळात / तासात / दिवसात तजेला संपतो. त्यामुळे हि छोटी पाकिटाची कल्पना मला फारच आवडली.