माझी आई नेहेमी म्हणायची कि घर म्हणजेच पहिली शाळा. अर्थात बऱ्याच दिग्गजांनी पण हे म्हटलं आहेच आणि ते खरं पण आहे. मी स्वतः आई झाल्यावर जास्त प्रकर्षाने जाणवलं मला.
१० वी आणि १२ वी हे शिक्षणातले फारच महत्वाचे टप्पे. मला नाही पण समाजाला आणि इतर जणांना फक्त गुण महत्वाचे १० वी आणि १२ वी च्या विद्यार्थ्यांचे. आणि नेमकं १० वी तच माझ्या पायांच दुखणं उद्भवलं. माझ्या तर पायाखालची जमीनच हादरली. म्हटलं आता कसं होणार?. पण हळू हळू माझ्या पायांची प्रगती होत गेली, मला स्वतःला ऑफिस च्या कामात, संशोधनात गुंतवून ठेवता आलं, लिखाण सुरूच होत अगदी छोट्या प्रमाणात आणि त्या सगळ्यांचा परिणाम असेल कदाचित, पण मुलांनी फार उत्तम कामगिरी केली १० वीत आणि भरपूर टक्के गुण मिळवले. त्यांच्या अभ्यासात किंवा प्रगतीत पायाचे / दुखण्याचे अडथळे आले नाहीत.
पण आज का कुणास ठाऊक मला प्रकर्षाने हे जाणवलं कि अडथळे हा फारच मोठा शब्द झाला, उलट माझ्या मुलांना "वेळेचे व्यवस्थापन" करण्याचे प्रत्यक्ष धडे मिळाले, घरीच, बाहेर नाही, किंवा कुठलेहि ट्रैनिंग न घेता.
आणि पायांच्या कुरबुरी अजूनही थोड्या प्रमाणात चालू असल्यामुळे ट्रेनिंग पण वेगवेगळ्या पद्धतीने चालूच राहिलं. असो.
म्हणजे अडचणी आल्या तरी कसं वागायचं, कसं बघायचं त्याच्या कडे, विविध पद्धतीने हळू हळू मार्गक्रमण कसं करायचं ई. किंवा ह्या २-२. ५ वर्षात मी ड्राइवर / driver ठेवला, बस वापरली, कधी लिफ्ट तर कधी ऑटो, अनेक प्याथी झाल्या, काही उपयोगी ठरल्या तर काही डोकेदुखी, योग केला, चालण्याचा व्यायाम, आहार ई. हे सगळं फार बारकाईने टिपत असतात मुलं प्रत्येक वेळी. मग हे एक प्रकारचं "प्रोजेक्ट बेस्ड लर्निग" च नाही का?
त्यामुळे मी वर म्हटल्याप्रमाणे घर हि काही ना काही तरी आवश्यक धडे शिकवणारी अशी शाळा आहे, जी सतत सुरु असते. अर्थात माझ्या उदाहरणावरून फक्त मी हे म्हणू शकते. कारण मी पण अजून शिकतेचं आहे.
जे घडत ते चांगल्यासाठीच.
Listen to this story on You Tube, kindly click this link: https://youtu.be/7mV0OlO-40g
#school #education #continuous-education #time-management #autorikshaw #training #lessons #home-school #mom #dad #family #driver #ola #uber #my-legs-health-issues #10th #12th #crucial-years #kids
कोणत्याही टिप्पण्या नाहीत:
टिप्पणी पोस्ट करा