परवा कॉलेज च्या तय्यारीचा भाग म्हणून माझी लेक पाणी पिण्याच्या बाटल्यांचा संच घेऊन आली नवीन विकत दुकानातून. ती तिच्या साठी फक्त एक लागणारी बाटली विकत आणू शकली असती. पण ती ठरली माझीच लेक, आणल्या अनेक, अर्थात चांगलचं आहे म्हणावं, माझ्यासाठी, तिच्या साठी आणि ह्यांच्यासाठी सुद्धा. कारण ? सांगते सांगते थांबा. अहो तिला, मला आणि ह्यांना सुद्धा. रोज नवीन रंगांची बाटली घेऊन ऑफिसला जाणं, कॉलेज ला जाणं किती मोटिव्हेशनल आहे नाही. ड्रेस सोबत सुद्धा रंग जुळवून देखील बाटली घेऊन जाता येईल. दुसऱ्यांसाठी नाही, दाखवण्यासाठी नाहीच, पण स्वतःला भन्नाट वाटावं म्हणून. शेवटी काय पाणी पिणं आणि उत्साही वाटणं जास्त महत्वाचं आहे. आतापर्यंत एकच बाटली घेऊन जायची पाण्याची हे ठरलेलं असायचं, पण नेहेमीच तसंच करायचं हे कोणी सांगितलं आहे. नाही ना?, मग एक आठवडा आणि रोज नवीन रंगाची बाटली, आणि पुढल्या आठवड्यात पुन्हा रंगांची उधळण. भावलं मला फारच, त्यामुळे उत्साहाने उन्हाळ्यात भरपूर पाणी पिणं होईल, जे फारच आवश्यक आहे. रोज आता सगळेच कुठल्या रंगाची पाण्याची बाटली भरायची ह्या विचारांनी दिवस सुरु करणार. मस्तच आणि मज्जाच मज्जा.
माझ्या लेकीला धन्यवाद तिने सहज म्हणून का असा सगळा विचार करून ह्या पाण्याच्या बाटल्या आणल्या मला ठाऊक नाही, पण मी ह्या सगळ्या प्रकाराकडे असं बघते आहे.
कोणत्याही टिप्पण्या नाहीत:
टिप्पणी पोस्ट करा