फोटोकॉपी

कुठलेही मुलींच्या ड्रेसेस दुकानं घ्या तेथे अक्षरशः असंख्य पद्धतीचे, रंगसंगतीचे, फॅशन चे, किंमतींचे वैविध्य प्रकार उपलब्ध असतात, किंबहुना त्यांना ते ठेवावेच लागतात धंदा सुरळीत चालविण्यासाठी, किंवा खूप गिऱ्हाईक सतत येण्यासाठी. त्यात काहीच वावगं नाही. त्या सगळ्या प्रचंड संपदेतून दोन विविध वयोगटातल्या मुलींना सारखाच ड्रेस पसंत पडावा म्हणजे दाही बोटं तोंडात घालण्यासारखं आहे, आणि किंचित अशक्यच. मी सहसा खूप कीस पाडत नाही, किमतीला पटलं, कापडाची पोत भावली, रंग आणि रूपरेषा नवीन वाटली आणि ऑफिस मधे घालण्यासारखी कि मग गरज असल्यास घेऊन मोकळं व्हायचं. माझ्या सारखी फोटोकॉपी आहे हे समजल्यावर मला प्रचंड अत्यानंद झाला. किंवा असे देखील म्हणता येईल कि आपली निवड मस्त आहे, साजेशी आहे, योग्य आणि दर्जेदार आहे. 

"#ट्विनिंग इज विंनिंग", "#कॉर्डीनेटेड ऑउटफिट्स", "#ऍन आर्ट फॉर्म", "#मिररिंग", "#सेम बट डिफरंट" ई. हे दिग्गज मानसशास्त्रज्ञ ह्यांनी विविध संशोधनातून व्यक्त केलेले वाक्यांश आहेत. आपल्या कडे बऱ्याच कुटुंबात अजून देखील जुळ्या मुलांना / ट्विन्स किंवा सख्या भाऊ बहिणींना एकसारखं घालण्याची पद्धत होती, आहे. आताशा तर विविध ट्विनिंग डे साजरे करतात मुद्दाम. पण हे जर सहज घडलं तर? दोन मुलींचे कपडे एकसारखे घेतले गेले आणि घातले गेले तर? एक तर त्याचा प्रचंड आनंद साजरा कराच, जमत असेल तर पोटभर हसा, फोटो काढा, कुठून घेतला हे विचारा सहज माहिती म्हणून आणि अशी कारणं अनेक आहेत:

१. तुम्ही दोघे एकाच ठिकाणी काम करता आणि एकसारखा विचार देखील 

२. दोघांची आवड कित्ती मिळती जुळती आहे 

३. एकच बेस / पाया / मूळ आहे ज्यावर वैचारिक इमारत उभी आहे 

४. दोघीनी विविध गुणधर्म सगळ्याच स्थरावर एकसारखं आत्मसात केलं आहे  

५. आणि असे बरेच नकळत जडण घडण झालेले मुद्दे 

६. सारखा स्वभाव 

७. एकाच परिसरात वास्तव्य 

एकच रेखांकन, सजावट, शोभिवंत नक्षिकाम असेल दोन ड्रेस वर पण रंग वेगळा असेल तरी देखील एक वेगळी मज्जा अनुभवता येतेच, यावीच, कारण हे पूर्णपणे नकळत घडलं आहे, निव्वळ योगायोग आहे, बाकी काही नाही आणि त्यामुळे दोघींच्या एकवाक्यतेचं, किंवा एकसंध पणाचे दर्शन घडले आहेत. त्यात वाईट वाटण्यासारखं काहीच नाही, अजिबातच. 

आताशा अजुन एक भन्नाट कल्पना राबवली आहे धंदे करणाऱ्यांनी. ती म्हणजे एकाच कुटुंबातील दोन, तीन सख्या किंवा चुलत भावांनी वेगवेगळी दुकानं चालवायची, एकाच शहरात, जवळपास च्या भागात आणि एकाच करखानदाराकडून माल विकत घ्यायचा मोठ्या प्रमाणात आणि विविध आउटलेट मधून विकायचा. गिऱ्हाईक जास्त मिळतं आणि मस्त धंदा होतो. ह्या कारणांमुळे देखील एकाच पद्धतीचे ड्रेसेस बऱ्याच ठिकाणी बघायला मिळतात. दोन वेगळ्या दुकानांत, दोन वेगळ्या जणी, दोन वेगळ्या वेळेला, वेगळ्या वयाच्या, वेगळ्या कुटुंबातल्या, न बोलता / ठरवता जातात काय आणि एकसारखे ड्रेस विकत घेऊन घालतात काय, अहाहा च, महद आश्चर्यच आहे हे. मस्त गोष्ट आहे आणि खूप खूप भन्नाट फोटोकॉपी देखील.