तेव्हा आणि आता

शिकाकाई चं वास्तव्य प्रत्येक घराघरात असायचं त्या वेळी, माझ्या लहानपणीपासून. माझे, माझ्या आईचे, शेजार पाजारी राहणाऱ्या सर्व मुलींचे केस सौंदर्य अगदी मनाला भावणारे असेच असायचे. लांब सडक, दाट, काळेभोर आणि स्वास्थ्य वर्धक असे. खूपच कमी, अगदी हाताच्या बोटांवर मोजण्या इतपत जणींचे केस क्वचित कापलेले असायचे. पांढरे केस देखील फार कमी नजरेस पडायचे आणि दिसलेच तर आजींचे फक्त. किंबहुना पांढरे केस हे म्हातारपणी होत असतं तेव्हा. ह्या केशसौंदर्यामागे अनेक कारणे आहेत, त्या वेळचं वातावरण, शुद्ध पौष्टिक सकस ताजा घरचा आहार, आणि शिकाकाईचाच उपयोग. नैसर्गिक शिकेकाई म्हणजे रामबाण किंवा एकमेव जिन्नस केसांसाठी. त्या वेळी कृतीवर भर देत होते, म्हणून केसांवरचा उपाय हा वाक्प्रचार टाळला मी. कारण उपाय करण्याची गरज पडत नसे. शिकाकाई वापरात राहा, केसांचे स्वास्थ्य जपत राहा, इतकं साधं आणि सोप्प होत ते, पिढ्यांपिढ्या चालत होतं. माझ्या मते ह्या शिकाकाईत फक्त केस सांभाळण्याचे गुणधर्म नाहीत तर बाकी अजून भरपूर काही आहे. केस धुतल्यावर ते पाणी नाल्यात मिसळणार प्रत्येक घरातून आणि त्या वेळची शिस्तच और, त्यामुळे बहुतांशी रविवारी सकाळी हे घडणार आणि पुन्हा एका आठवड्याने. त्यामुळे प्रत्येक ७-८ दिवसांनी नाल्यात प्रत्येक घरातून आलेल्या नैसर्गिक औषधी युक्त पाण्यामुळे स्वच्छता आपोआप घडणारच. रविवारी प्रत्येक घरात शिकेकाई उकळली जाणार ठराविक वेळेला आणि ठराविक काळासाठी, ती वाफ हवेत पसरणार आणि शुद्ध करणार. प्रत्येकाचे इंद्रिय देखील स्वस्थ होते त्यावेळी, त्यामुळे ह्या शिकेकाई उकळण्याचा सुगंध सर्वत्र पसरल्यामुळे मग श्वास मार्ग पण उत्कृष्टच काम करणार, कारण नकळत प्रत्येक आठवड्याला मस्त सकाळच्यावेळी प्रसन्न करणारा हा ताकदवर सुगंध असायचा. कुठलेही केमिकल नाहीच कधीच त्यामुळे सर्वत्र स्वास्थ्य होतं. मोठे केस असल्यामुळे फक्त रविवारी घरी असतांना, सुट्टीच्या दिवशी उन्हात केस वाळवले जायचे, त्यामुळे सदांकदा सर्दी, त्यामुळे मग घसा, ताप, आणि हे सर्व हवेत पसरलं जायचंच नाही मुळी. त्यामुळे सगळेच स्वस्थ आणि मस्त. सर्वांना हात जोडून विनंती आहे, जमल्यास खूप प्रचंड बदल नाही, पण फक्त शिस्त बाळगा, आहे ते डोक्यावरचं सौंदर्य / जंगल सांभाळा, नैसर्गिक वापरून तर बघा, कदाचित फक्त तुम्हांलाच नाही तर खूप जणांना त्याचा फायदा होईल नकळत. कोणाकोणाला फायदा झाला हे मोजत बसू नका, वर्षभर तरी आयुर्वेद डॉक्टर च्या सल्ल्याने सुरु करा आणि केसांच्या जर असतील तर त्या समस्यांपासून संपूर्ण मुक्त व्हा, नसतील तर त्याची काळजी करणं सोडाच. ह्या सर्वांमुळे मग बाकी काही कधीच तक्रार किंवा अस्वस्थात भेडसावणार नाहीच मुळी. प्रयोग सुरु करा शिस्तीत लवकरच मंडळी.