"ती" साय, दुधावरची, मायेची. साय सर्वश्रुत आहेच कि ती दुधाचे तापमान सांभाळायला मदतच करते जणू, टिकवून ठेवते एक सुंदर वर आवरण बनून. गाईच्या दुधावरची साय जराशी पातळ पण म्हशीच्या जाडसर, ज्यापासून किंवा अशी जाडसर साय जमा करून मग लोणी, तूप, काही जण दही तय्यार करतात. दह्याचे मग पुन्हा ताक, लस्सी, आणि विविध पदार्थांमधे वापर. अशी ती बहुआयामी वस्तू, ती अगदी सर्व वर्गाला उपयुक्त ठरतेच आणि जगभर हो. हे झालं सायीचं थोडक्यात वर्णन.
तर अश्या आडनावाचे व्यक्ती ज्यांच्या नावात देवाचे स्मरण आहे ते भा ज प कडून निवडून आले आणि छत्तीसगडचे मुख्यमंत्री म्ह्णून शपथ घेणार आहेत. मी अनेकदा असं ऐकलं आहे, वाचलं आहे आणि अनुभवलं देखील आहे कि नावाप्रमाणे बहुतांशी व्यक्ती असतात, त्यांचे गुणधर्म असतात आणि ते तसे वागतात, आचरण करतात, उपयुक्त ठरतात. हे नवीन निवडून आलेले मुख्यमंत्री देखील अशीच मायाने जनतेची सेवा करतील, त्यांचे कवच होऊन अनेकविध योजना राबवतील, असंख्य उपयुक्त अशी कामे हातात घेतील आणि पार पाडतील ह्यात शंका नाहीच.
सहाय असे जर त्यांचे नामकरण असते तर मदत हा त्याचा अर्थ आणि त्यानुसार वागणूक असं मानलं असतं. पण आजच्या मराठी वर्तमानपत्रात ठळक बातमी आहे, मुख्यपृष्ठावर आणि त्यात साय असा उल्लेख आहे म्हणून हा पंक्ती प्रपंच.
हि व्यक्ती सायीच्या गुणधर्माप्रमाणे च कार्यभाग साधतील हे फार प्रकर्षाने जाणवतं आहे आणि काळानुसार त्याची गरज देखील आहे. वर वर किंवा तात्पुरते काम करण्याचे दिवस गेलेत आता. जगाच्या पाठिवर आपल्या देशाची प्रतिमा उंचावयाची असेल, आपल्या आदरणीय पंतप्रधानांच्या मार्गदर्शनाखाली कार्य जलद गतीने होण्यासाठी पुढील मार्गक्रमणा आव्हानात्मनक आहे. त्यामुळे सायीसारखं / आई च्या मायेने अनेक दिशांना, अनेक बाजूंना पैलू पाडणं महत्वाचं ठरेल.
कोणत्याही टिप्पण्या नाहीत:
टिप्पणी पोस्ट करा