हि एका मुलामुलींची कथा आहे, जोडपं हो. दोघे मस्त शिकलेले पण विविध क्षेत्रात काम करणारे, नोकरदार जोडी. भारतातले आणि मध्यम वर्गीय कुटुंब, म्हणजे मुलगा नेहेमी करताच नोकरी करत राहणार आणि मुलगी काही खच-खळगे, सुट्ट्या, काही महिन्यांचा अवधी असे सगळे टप्पे पार करत नोकरी सांभाळणार. असो. ती तिच्या क्षेत्रात गरजेचे असल्यामुळे त्याच्या पेक्षा जास्त शिकलेली. पण ते क्षेत्रच मुळी समाजाने कमी लेखलेलं त्यामुळे पगार पण अर्थात फारच कमी. असं असतांना देखील अगदी सुरवातीपासून अनेक प्रसंगात काही खास तिच्या समोर उभं ठाकलं. मागच्या पिढीने एका पगारात भागवलं मग तुला कसं जमत नाही? हे म्हणायच्या आधी "आम्हाला सून / बायको नोकरी करणारीच हवी" हे पालुपद होतंच बरं का मंडळी, हे विसरून चालणार नाहीच. आणि अनेक वर्ष उठत-बसत नोकरी केल्यावर एक दिवस असा आला कि तिला नोकरी सोडावीशी वाटली, सोडली तर तीच मंडळी खिशातून एक मस्त पुडी काढून म्हणतात कसे "फुकट खात बसली आहे घरी, अक्कल नाही कमवायची". वा, क्या बात है नाही? त्यांनाच ठाऊक नाही आहे कि त्यांनाच काय हवयं?
बरं ह्याच जोडप्यातला नवरा इतका जास्त कमावतो कि हिची कमाई म्हणजे अगदी घुंगुरडे, क्षुल्लक पेक्षाही कमी, त्या मानाने, कुठलीही तुलना करायची नाही येथे, पण एक फक्त माहिती म्हणून. असं असून देखील अनेक खर्च मुलींनीच उचलायचे, उचलले आणि शिवाय "तुझा काय उपयोग? काय केलंस आत्तापर्यंत?" हे त्यावर ऐकायचे. मस्त आहे कि नाही? मोठ्या पेक्षा भला मोठा पगार, त्यात भारतीय पद्धतीने, पुरुष प्रधान संस्कृती नुसार पुरुष हे कर्ते असतात, कमावते असतात, मग बाहेर खायला, मज्जा करायला निघालं कि पालुपद सुरु. काहीही खर्च करायचा म्हटलं कि "माझ्याकडे पैसे नाहीत" हेच बिंबवलं जातं. त्या नंतर करणं होत खर्च, वस्तू घेतल्या जातात पण निरीच्छेने.
माझ्यामते अश्या कार्ट्यांनी पैशाशीच लग्न करावे करता आले तर. कारण बरोबरीने कमावणाऱ्या मुली ऐकून घेणार नाहीतच, त्यामुळे सोईस्कर रीत्या ह्यांना कमी कमावणारी लागते म्हणजे हे आपले डाव सतत साधू शकतात आणि गोंधळावृत्तीचे प्रदर्शन सतत मांडू शकतात. त्यातून त्यांना काय मिळते त्यांनाच ठाऊक पण मुलगी मात्र जास्त सशक्त होते आणि मुले समाजासाठी तय्यार होतात अश्या वागण्याने. नकळत किती फायदा होतो बघा मंडळी. होते ते योग्यच. पुढे चला, चालत राहाच. असेच नमुने भरले आहेत सर्वत्र, काही उपवाद सोडले तर. घरोघरी शेवटी मातीच्याच चुली / गॅस / मिक्रोवेव्ह.
कोणत्याही टिप्पण्या नाहीत:
टिप्पणी पोस्ट करा