देवाचं नावं घेणं फारच फायद्याचं असतंच, अनेक कारणांमुळे. त्यामुळेच तर आधीच्या काळी मुलांची नावं पण देवांची ठेवायचे, म्हणजे रोज अनेक वेळा आपोआप त्याच नाव ओठी येत असे. शेवटी देवाचं नाव घेणं हे विश्वासावर अवलंबून असते. कोणी मोठ्या मोठ्याने नाव घेतात विविध प्रकारे म्हणजे स्तोत्र म्हणून, जप करून, पोथी वाचून, आरत्या म्हणून ई. काही जण मानसपूजा करण्यावर भर देतात. काही छोट्या तर काही फारच मोठ्या प्रमाणावर नाव घेतात यज्ञ / होम-हवन वगैरे करून.
माझ्या पायांनी आणि अनेकदा त्यांच्या दुखण्यामुळे मला अनेक अप्रतिम क्षण अनुभवायला दिले आहेत अनेक वेळा आणि त्यातलाच एक मी इथे आज कथन करणार आहे.
त्याच असं झालं कि माझे पाय दुखायला लागले होते, आणि अनायसे वेद पण उठला होता, त्यामुळे मी त्यालाच म्हटलं चहा करायला आणि तो हि आनंदाने तय्यार झालाच. मग काय स्वारी गेली स्वयंपाकघरात आणि सगळी प्रक्रिया साग्रसंगीत सुरु झाली. आणि हो, असं अनेक वेळा होतं, म्हणजे वेद नि चहा करणं, त्यामुळे मी आज न कळत लक्ष दिल तर समजलं त्याने चक्क २३ वेळा देवाचं नाव घेतलं ५ कप चहा करतांना. आणि अतिशय विविध पद्धतीने आणि वैविध्य स्वरात. आहे कि नाही खास. अगदी कप काढण्यापासून ते भांड शोधे पर्यंत, आलं किसणी शोधण्यापासून ते गाळल्यावर चोथा बीन मधे टाकेस्तोवर... आई ग. माझे पाय दुखणे तर पळून गेलेच, प्रचंड पोट दुखे पर्यंत हासले आणि आयता चहा हातात मिळाला तो परमानंद वेगळाच, नाही का मंडळी. आणि हो असा तसा चहा नाही हो, देवाचं नाव घेत घेत केलेला. जबरदस्त अनुभव होता. अहाहा.
Few samples are here, of course in Ved's way, in English:
- OHHHH MY GOD where are these cups
- Deva why its so difficult
- God why it happens always with me
- Oh no God now I need to take out new milk packet
- Oh finally god i am done
कोणत्याही टिप्पण्या नाहीत:
टिप्पणी पोस्ट करा