मला अजूनही ते दिवस अगदी जसेच्या तस्से डोळ्यासमोर उभे ठाकले आहेत जेव्हा मी माझ्या बाबांची भली मोठी दांड्याची जेन्टस सायकल शिकले होते, घरी अनाहूत आलेल्या पाहुण्यांची सायकल कशी चालवली होती आणि जेव्हा मला माझी स्वतःची सायकल मिळाली होती. अहाहा. कुठे कुठे जात असू आम्ही सगळे मित्र मैत्रिणी त्या सायकलीवर, देवा. अख्ख नागपूर पालथं घालत असू, अगदी सहज, आणि हो गियर वगैरे ची सायकल नव्हती बरं का त्यावेळी. तो अत्यानंद काही औरच होता. भन्नाट.
आज हा विषय का म्हणताय मंडळी, सांगते, ऐका.
हो सध्या माझी एक नवीन मैत्रीण झाली आहे, सायकल आणि ती देखील घरातील स्टेशनरी अशी, व्यायाम करण्याकरता, डॉ नि सांगितले कि माझ्या पायात बळ येण्याकरता रोज सायकल चालवायची. "पडत्या फळाची आज्ञा" आणि मी घेतली, ताबडतोब करायला सुरवात पण केली. रोज नियमित पणे जमेल तेवढी चालवते आजकाल. आज ती चालवतांना माझं तिच्याशी झालेलं संभाषण किंबहुना मला जाणवलेलं इथे मांडायचं ठरवलं.
तर ह्या माझ्या मैत्रिणींमधे काही सेटीन्ग्स आहेत, पायडल घट्ट करण्याचे, सैल करण्याचे, उंच रस्त्यावर चालवल्यासारखे, तुम्ही किती चालवली, काय स्पीड नी, किती किलोमीटर झाले आणि बरेच काही. अधे मधे जमेल तसे मी हे सेटीन्ग्स बदलत असतेच पण त्या बरोबर आधी कमी स्पीड,मग वाढवते, मग कधी उलटी चालवते, काही पायडल घट्ट करण्याचे सेटीन्ग्स करते ई. आपणही आपल्या रोजनिशीत असंच काहीस करतो नाही, कधी उत्साहात जोशात जोरात पळतो / कामे करतो, कधी विसावतो, कधी नक्कीच हळू चालावंच लागत तर कधी उंचसखल भाग अनुभवतोच आणि पार हि करतो सहज, अहाहा. अगदी सायकल चालवल्यासारखं, नाही का? फारच साम्य आढळलं मला म्हटलं लिहावं. असे सेटीन्ग्स नसते तर किती कंटाळा आला असता ना, किंबहुना रस्त्यावर देखील जेव्हा आपण सायकल चालवतो तेव्हा देखील न कळत किंवा थकल्यासारखं झालं तर, बदल म्हणून हे सगळे पॅडलिंग मध्ये बदल करतोच, अगदी रोजनिशी सारखे.
मनापासून धन्यवाद ह्या माझ्या नव्या मैत्रिणीला, ती आली म्हणून व्यायाम होत आहे, अजून तरी पाय जैसे-थे आहेत, वेळ लागेल, पण काही का असेना ह्या सगळ्यामुळे आज मला हे लिहिता तर आले ना. माझ्या स्वतःच्या इतक्या वर्षाच्या रोजनिशीतील प्रवासात कळत-नकळत स्पीड मधे केलेल्या बदलांचा आढावा सहज डोळ्यासमोर उभा ठाकला.
To listen to this story pl visit: https://youtu.be/79dg6SjhbJY
You can find me on Twitter: https://twitter.com/DrPreetiMulay
And LinkedIn : https://www.linkedin.com/feed/update/urn:li:activity:6787964553641680896/
And also on Facebook.
कोणत्याही टिप्पण्या नाहीत:
टिप्पणी पोस्ट करा