सध्या पुण्यात चांगलीच थंडी पडली आहे, त्यात सकाळी तर तापमान फारच कमी असत. आठवड्यातले काही दिवस माझी प्रयोग शाळा पाहिल्याचं तासाला असते. तर अश्या गार वातावरणात देखील माझे विद्यार्थी आल्या आल्या लागलीच वातानुकूलित यंत्रणा चालू करतात, एक नाही तर दोन दोन. देवा. मी तर जाड जूड जॅकेट घालून जाते पण तरीही महद आश्चर्य ह्याच वाटत कि त्या मुलांना थंडी कशी वाजत नाही? बरं बहुतेक सगळीच मुलं मुली खरंच काही गरम कपडे, स्वेटर ई. घालून येत नाहीत. गेंडा कातडीचे आहेत ह्यात काही वाद नाहीच. थंडी वाजते कि नाही हा भाग जरी थोडासा बाजूला ठेवला तरी दोन वातानुकूलित यंत्रणा चालू करण्याची गरज आहे का थंडीच्या दिवसात? आणि सगळेच सारखे. बाप रे. अवघड आहे सगळं, कदाचित माझंच. आजकालचे संगणक फार काही गरम होत नाहीत आधी सारखे, कि त्यांना थंड करण्यासाठी गार जागा लागते वगैरे. असं काहीच नाही. बर AC बंद करा म्हटलं कि पंखे चालू होतात थेट ५ वर, हे राम. खूपच गम्मत वाटते सगळ्याच गोष्टींची. असो, पुढे त्यांना अगदी रोज सतत अश्याच थंड कचेरीत बसावंच लागेल. त्याची सवय करताहेत कदाचित हि पोरं.
कोणत्याही टिप्पण्या नाहीत:
टिप्पणी पोस्ट करा