मी कचेरीत येतांना माझ्या एका सहकार्या सोबत येते. त्यांच्या घरापर्यंत मला रिक्षा ने जावं लागत रोज. वैविध्य स्वभावाचे रिक्षावाले असतात आणि रोजचा एक नवा अनुभव असतो. आज जो माझा रिक्षावाला होता, त्याने पंडित श्री. भीमसेन जोशी ह्यांची रागदारी लावली होती. रिक्षातून जायचं अंतर फार नसलं तरी देखील ते स्वर इतके जगावेगळे वाटले कि मंत्रमुग्ध झाल्यासारखं वाटलं. हे सहसा रिक्षा मधे बघायला / ऐकायला मिळत नाही, सिनेमाचीच गाणी लावली असतात सहसा. पण हा वेगळा होता, म्हणून पैसे देते वेळी मी विचारलंच कि "तुम्हाला श्री. भीमसेन जोशी किंवा शास्त्रीय संगीत आवडत का?" तर त्यांचं उत्तर असं होत कि ते स्वतः पदवीत्तर आहेत संगीतामधे (MA in Classical Music) पण कुठं त्या शिक्षणावर त्यांना नोकरी नाही मिळाली म्हणून ते रिक्षा चालवतात पण संगीत कानावर पडण्यासाठी आणि सराव करण्यासाठी ते शास्त्रीय संगीत ऐकतात आणि रिक्षा चालवता चालवता गातात पण. वेगळं वाटलं मला. सकाळची सुरवात वेगळीच मस्त झाली. त्या रिक्षा काकांच्या संगीताच्या प्रवासाला शुभेच्छा.
कोणत्याही टिप्पण्या नाहीत:
टिप्पणी पोस्ट करा