"मनी असे ते स्वप्नी दिसे"

इतकं सुंदर घर, प्रचंड मोठं, त्यात एक काका, काकू, छोटी मुलगी, तिची आई, त्यांचा केअर टेकर आणि मी. सगळे च्या सगळे मिशीगन शहरात होतो आम्ही. ती छोटी मुलगी दंगा मस्ती करत होती, मी त्या काका काकूंना टीव्ही लावून दिला आणि त्या छोट्या मुलीची आई पुन्हा एकदा आई होणार होती, कधीही तो दिवस येणार होता. मी तेथे का होती? मला काहीच माहित नाही, पण इतकं छान / भन्नाट वाटलं होत मला तेव्हा आणि आत्ता वाटतंय लिहितांना अक्षरश: अंगावर काटे आलेत, कारण? अहो मी चक्क अनुष्का बरोबर तिच्या महालात होते. कोण अनुष्का म्हणून विचारताय? अहो आपली विराट ची, हो हो तीच. कित्ती तास मी तेथे होते माझं मलाच माहित नाही. पण लई भारी वाटलं, आणि थोडसं अस्वस्थ पण. म्हणून पाणी पिऊन आले आणि पुन्हा डोकं टेकलं उशीला कि सुरु तेच पुराण. काहीही हं. काय संबंध? आणि मी लांब च लांब दिवसाच्या सरते शेवटी अंथरुणावर पडले रे पडले कि "ब्रह्मानंदी" लागली असते. त्यामुळे मिशीगन आणि अश्या मोठ्या व्यक्ती बद्दल विचार करणं तर कोसो दूर, मग मला हे इतके तास स्वप्न का दिसलं? सपशेल खोट आहे हे "मनी वसे ते स्वप्नी दिसे" म्हणे, काहीही म्हणजे काहीही.  

तुम्हाला काय वाटत मंडळी? कोणाचा स्वप्नांचा अभ्यास असेल तर कळवा मला. ओके.