मास्क आणि मिटन्स

मला आठवतंय माझ्या दोन्ही बाळांना लहान असतांना मी मिटन्स घालायचे दररोज दोघांसाठी दोन विविध रंगांचे अनेक सेट आणले होते. मिटन्स घालत नव्हते तेव्हा फारच स्वतःला नख लावून घ्यायचे दोघेही म्हणून आवर्जून आणले पण काही उपयोग झाला नाही. कसे कुणास ठाऊक पण मिटन्स घातल्या घातल्या काही क्षणात काढून टाकायचे. धन्य आहे नाही.

हे आज मला का आठवलं म्हणताय, कारण आहे त्याला खास.

आता सध्या नवीन जन्म घेतलेल्या बाळांना लावत असतील का मास्क? म्हणजे ३-४ महिने किंवा त्या पेक्षा मोठे बाळांना. आणि लावत असतील तर ते ठेवत असतील का मिटन्स सारखं ताबडतोब काढून टाकत असतील? नवीन आई ला विचारलं पाहिजे ह्या बद्दल.

माझ्या काही मुलांच्या अगदी लहानपणीच्या फोटो मध्ये एका हातात एक आणि दुसऱ्या हातात भलत्याच रंगाचे मिटन्स आढळतात. किती वेगळी शैली / फ्याशन त्या वेळ पासून अमलात आणली बघा माझ्या मुलांनी.