चिक्कू आईस्क्रीम

माझ्या एका मैत्रिणीची अजिबोगरीब सवय आहे,  तिला उन्ह्याळ्यात दररोज आईस्क्रीम लागतंच खायला आणि हे प्रमाण जरा जास्तच वाढलं जेव्हा तिला डायबेटिस डिटेक्ट झाला. बाहेरचे साखर विरहित आईस्क्रीम आणून खाऊन बघितले पण नाही आवडले. मग तिने एक शक्कल लढवली आणि डॉक्टर च्या कानावर घालून घरीच आईस्क्रीम तयार करण्याचं ठरवलं. केलं, आणि ते फारच आवडलं तिला आणि अर्थात सगळ्यांनाच. मग काय "नो लूकिंग बॅक". रोज आता ती घरी चिक्कू आईस्क्रीम करते आणि मनसोक्त खाते, साखरविरहित. एकटीला करायचं झालं तर आकाराप्रमाणे एक किंवा जास्तीत जास्त दोन चिक्कू लागतात तिच्या हिशोबाप्रमाणे. मला तिने तिची साधी सोप्पी कृती सांगितली. आधी दूध भरपूर उकळा, दाट होऊ ह्या, त्यात थंड झाल्यावर चिक्कू मिसळा आणि ठेवा बर्फ होण्यास. २-३ तासानी फस्त करा. अगदीच वेळ असेल तर एकदा बर्फ झालेलं मिक्सर मधून फिरवून घ्या, पुन्हा फ्रिज मधे ठेवा ई. हे सगळं ती सांगत होती तेव्हा मला अजून एक कृती करून बघावीशी वाटली. "प्रयोगातून विज्ञान" ह्या पद्धतीने आणि अजूनच सोप्पी. नरसोबावाडीची बासुंदी आणायची, त्यात थोडं दूध घालावेच लागते, आणि त्यात जर चिक्कू घालून करून फ्रिज मध्ये ठेऊन बघितलं तर? छान लागेल माझ्या मते. लवकरच करते आणि तुम्हाला कळवते देखील माझी नवीन न गॅस वापरता केलेल्या आईस्क्रीम ची अनोखी कृती.