पणतू ...

आमच्याकडे एक मावशी काम करतात बरीच वर्ष झाले, अगदी माझी मुलं लहान असल्यापासून. सुरवातीपासून त्यांची नात यायची कामाला. लहान होती पण अती उत्साहानी छोटी छोटी मदत करायची आजीला. हुशार होती, त्यामुळे अभ्यासही छान होता तिचा.

मावशीचं मोठा परिवार, २ मुलं आणि ३ मुली. सगळ्यांचीच लग्न फार लवकर होतात म्हणे त्यांच्याकडे. मावशीचं पण झाल होत, त्यांच्या मुलांची पण झाली आणि ह्या आमच्या कडे येणाऱ्या नातीच लग्न झालं काय मागच्यावर्षी आणि काल परवा मुलगा पण झाला. आणि अशा तर्हेने आमच्या मावशी पणजी आजी झाल्या. अजूनही सकाळी ४ वाजता उठतात, पाणी भारतात, घरची काम करतात, स्वयंपाक इत्यादी आणि मग जवळपास ५-६ घरची काम. माझ्या डोळ्यासमोर लहानाची मोठी झालेली मावशीची नात आज आई झाली, खूप छान वाटतंय. आत्ये मामे भावंडातच लग्न झालंय, त्यामुळे मावशीचा आनंद तर अजूनच द्विगुणित झाला आहे. चवथी पिढी बघणं म्हणजे भाग्यच, नाही का? त्या मुळेच लिहावंसं वाटलं आज त्यांच्या बद्दल. मावशींना असच उदंड आयुष्य लाभो आणि त्यांची प्रकृती ठणठणीत राहो हीच ईश्वर चरणी प्रार्थना.