"आयुष्याचे उतार चढाव..."

काही दिवसांपूर्वीची हि गोष्ट आहे. माझ्या घरी आमच्या तीन पिढ्या एकत्र जमल्या होत्या. आमच्या घराला दत्त महाराजांच्या आशीर्वादामुळे ६ जण नवीन पिढीत आहेत, वैविध्य वयोगटाचे. त्यामुळे रुसवे फुगवे थोड्या वेळा करता होतातच. तर अश्याच एका रुसव्याची हि गोष्ट.

सर्वात छोटा उस्ताद साधारणतः ४ एक वर्षाचा असेल त्या वेळी. आणि तो काही कारणांनी रडत होता. मोठी मंडळी त्यांच्या गप्पात रंगली होती. मी आणि माझी जाऊ पडलो होतो त्या खोलीत. पण बाकी मुले त्याला समजावंत असल्यामुळे मी फक्त बघ्याची भूमिका घेतली. सर्व भाऊ बहिणींनी समजावलं त्याला पण तो रडायचं थांबत नव्हता. शेवटी माझा एक पुतण्या म्हणाला "अरे रडू नकोस. मी जेव्हा तुझ्या एवढा होतो ना तेव्हा माझ्या आई नी मला काय सांगितलं होता हे माहीत आहे का.... आयुष्य म्हणजे उतार -चढाव असतातच...(life is full of ups and downs)".

हे वाक्य ऐकल्यावर बाकी सर्व इतके हसले कि रडू फुर्रकन उडूनच गेल. ४ वर्ष्याच्या पंटरला सर्व डोक्यावरून गेल्यामुळे त्यानेही रडणं थांबवल शेवटी.

बाप रे, काय प्रसंग होता तो... मस्त.