पावडर...

बेबी पावडरचा सुगंध हा माझ्यासाठी एक अनोखा असा आहे, ताजेतवाने करून जाणारा, नेहेमीच.

जानेवारी पासून खूप नियमित पणे मी एक थेरपी घेते आहे माझ्या पायां करता. त्याच नाव आहे मॅट्रिक्स रिथम थेरपी. हे मशीन चालवायच्या आधी व्यवस्थित पावडर लावावी लागते. आणि कुणास ठाऊक पण माझी डॉक्टर बेबी पावडर वापरते. अहाहा काय वेगळाच सुगंध अनुभवयाला मिळतोय कित्येक वर्षांनी आणि मन प्रसन्न होत. ट्रीटमेंट / उपचाराचा हि उपयोग नक्की होतो पण पावडर च्या सुगंधाने होणारी सुरवात काही औरच. त्यात पावडर कशी पसरवायची हे हि महत्वाचे आहे म्हणे, त्यामुळे माझ्याशी डॉक्टर चे जुळणारे नाते (connect) हे शब्दात मांडण्या पलीकडले आहे. किती नशीबवान मी, लहानपणी आईने लावलेली पावडर तर मला आठवत नाही अजिबात, म्हणजे शक्यच नाही ते, पण मला अजून एकदा बेबी पावडर कोणी तरी लावण्याचा आनंद उपभोगता येतोय.