"चहाला वेळ नसतो पण वेळेला चहा हवाच..."

"चहाला वेळ नसतो पण वेळेला चहा हवाच..."

लई भारी ओळ आहे हि. नाही का??

एवढ्यातच एक नवीन अमृततुल्य उघडलंय सुस गावात आणि त्यांची ही ओळ आहे. मला तर खूपच आवडली, म्हणून हे छोटस लिखाण.

मी तर अनेकदा हे अनुभवल आहे कि चहा करायला आणि प्यायला वेळ बरेचदा नसतो किंवा कमी पडतो. मी तर अनेकदा चहा हा घाईघाईत किंवा उभ्या उभ्याच घेते. कधीतरी क्वचित बसून आरामात प्यायला जातो. पण बॉडी क्लॉक एकदमच भारी काम करतो, चहाची वेळ झाली कि सहज सूचना देतोच. आणि त्यात मी ठरले शिक्षिका, मग काय विचारता, वर्ग झाला कि चहा मिळावा असंच वाटतं. थंडीच्या दिवसात तर विचारू नकाच. तल्लफ अजूनच वाढलेली असते.

खरंच ज्याने कोणी ह्या चहा ला अमृततुल्य म्हटलंय त्याला सलाम. वेगळंच पेय आहे हे. तोडच नाही. चहाच्या वेळी तो लागतोच. सवयीचा परिणाम, अजून काय.