Precis संपदा.... (सार-संपदा)

 माझ्या शैक्षणिक काळात ग्रंथालयाला फारच महत्व होत. पुस्तक वाचणं, त्याच्यातले महत्वाचं मुद्दे काढणं, ते लिहिणं / टिपून ठेवणं, आणि जो वर पूर्ण माहिती मिळत नाही तोवर विविध पुस्तक शोधत राहणं हि एक महत्वाची रोजनिशीतली गोष्ट होती. अगदी स्नातकोत्तर पदवी मिळे पर्यंत. पुस्तकाचा स्पर्श, सुगंध, त्याचा काहीच दिवसाचा सहवास ई. फारच महत्वाचं होतं, खरंच. त्यामुळे कि काय "ग्रंथ-संपदा" हा अगदी मनावर बिंबलेला असा शब्द आहे.

मी मनात येईल ते लिहीत असते FB वर आणि माझे काही वाचक किंवा ज्यांना माहित आहे कि मी काहीबाही लिहीत असते, त्यांचे कधी कधी प्रश्न असतात, कि मी का लिहिते? वेळ कसा मिळतो? काय मिळत लिहून? इतक्या छोट्या विषयावर किंवा कधी कधी विषय फारसा महत्वाचा नसूनही का लिहिता? ई.

मग मी ही विचार करायला लागले कि मी का लिहिते, आणि बरीच छान उत्तरे मिळाली. त्यात एक उत्तर मलाच आवडलं म्हणून म्हटलं लिहिते. मोठे मोठे लेखक, अभ्यासक, संशोधक, ज्ञानी मंडळी ग्रंथ, पुस्तक आणि बरीच ज्ञान-संपदा उभी करतात. तशीच छोटीशी माझीही कधी तरी सार-संपदा / लेख-संपदा तयार होईल आणि कदाचित उपयोगी पडेल कोणाला तरी, म्हणून हि धडपड,अजून काही नाही.