सुगंध तपासून बघण्यासाठी

अत्तर, पर्फुम, टाल्कम पावडर ई. विकत घेतांना सगळ्यांनाच वाटत कि ह्याचा सुगंध विकत घेण्याआधी समजला तर फार उत्तम, नाही का? ह्या माणसाच्या नेहेमीच्या सवयीमुळे असेल कदाचित अनेक शोध लागले, संशोधन झालं आणि त्यामुळे सगळ्यांनाच त्याचा फायदा झाला, विकत घेण्याआधी समाधान मिळालं, सुगंधाची खात्री मिळाली. काय काय शोध लागले, एक तर सॅम्पल ठेवण्यात आले ठिकठिकाणी, विशिष्ट कागदाच्या पट्ट्या उपलब्ध करून दिल्या गेल्या म्हणजे नेमका सुगंध कळतो आणि उगाचच मनगटावर / हातावर / इकडे-तिकडे सेंट लावून बघायची गरज नाही दुकानात, कधी कधी कोणाकोणाला त्यामुळे चुरचुरतं पण, असो. छोटेखानी बाटल्यांचा सेट पण शोधून काढण्यात आला आणि तो फारच उपयुक्त सिद्ध झाला, आवडीचा निघाला.

टाल्कम पावडर उत्पादकांनी थोडीशी वेगळी शक्कल लढवली / शोधून काढली. पावडरच्या डब्यावर जे वेष्टण असते, जो रंगीबेरंगी कागद चिटकवलेला असतो त्याच्या एका विशिष्ट भागावर सुगंध उपलब्ध करून दिला. कागदाचा तो भाग नाकाजवळ आणला कि पावडरचा नेमका सुगंध समजतो / लक्षात येतोच. अहाहा, मला तर हि आधुनिक कल्पना फारच भावली. काय काय काढतील.... मला खरंच नक्की माहित नाही त्यांनी काय केलंय, हा एक अंदाज फक्त मांडला. असं पण असेल कि पावडरच्या डब्याच्या अगदी वर तशी ओळ लिहिली आहे ठळक अक्षरात, म्हणजे वरच्या भागातून नाही म्हटलं तरी कणभर नेहेमीच ती बारीक अवस्थेतली पावडर बाहेर येत असणार आणि त्यामुळे विकत घेणाऱ्याला सुगंध मिळत असणार. कारण कितीही सुंदर पॅकिंग केलं तरी डब्बा हालला म्हणजे शक्यता आहे पावडर चे कण न कळत बाहेर येण्याची. आणि अगदी त्याच ठिकाणी ती ओळ पण, मग काय, एका दगडात दोन पक्षी. भारी हुशार आहेत हा हे पावडर वाले, काय जागा शोधून काढली आहे सुगंध चाखायची. वा वा, मस्तच.

तुम्ही सगळ्यांनी पण हे अनुभवलं असेल ना मंडळी, नाही? अरे मग पॉंड्स पावडर चा तो नवीन जांभळा डब्बा उंच असा मोठा हातात घ्या, निरीक्षण करा, वाचा, अनुभवा आणि मग तुम्हाला माझी हि अनुकथा आठवेल. 

#ponds #pondsmagicpowder #talkampowder #fragrance #TestOfFragrance #Innovation #Scents #Perfumes #perfumetester