औषध आणि जादू

मला समजायला लागल्या पासून अनेक प्रकारची औषधे घेतली आहेत मी, सगळ्या प्याथ्या झाल्या. अनेक बरे वाईट अनुभव आले, काही औषधे आणि डॉक्टर लागू पडले काही नाही. अर्थात हे सगळ्यांच्याच बाबतीत थोड्या फार प्रमाणात होतंच, जेव्हा पासून "फॅमिली डॉक्टर" हे संकल्पना संपुष्टात आली आहे. "फॅमिली डॉक्टर" ना पिढ्यांपिढ्या शरीररचना ठाऊक असायची, स्वभाव माहित असायचे, शारीरिक मानसिक + आतून बाहेरून सगळं ठाऊक असायचं आणि त्यामुळे औषधं पट्टाकिनी लागू पडायचं. एकाच गावात / शहरात वास्तव्य असल्यामुळे, हवा पाणी ई. मुळे होणारे आजार एकतर नसायचेच किंवा होत नसत. असो.

इतक्यातच मला माझ्या जावेच्या वडिलांनी औषध लिहून दिलं, शिष्तीत / व्यव्यस्थित ऐकून / समजावून घेऊन, त्या नंतर ह्यांनी आणि माझ्या दिरांनी धावत पळत जाऊन सगळीच्या सगळी औषधे आणली. ती मी ताबडतोब सुरु देखील केली. अनेक महिन्यांपासून गुढगा सतत दुखत होता तो न कळत अचानक दुखायचा थांबला. मला आश्चर्याचा सुखद धक्काच बसला, म्हटलं काय होतंय हे? मग शांत मनाने विचार केल्यावर असं आढळलं कि माझी बरं होण्याची धडपड, काकांनी सुचवलेले चपराख औषध (रामबाण इलाज), बरं होण्याची आलेली वेळ, काकांचा आशीर्वाद, खूप दूर जाऊन आणलेलं औषध, ह्यांची आणि दिरांची पण मनापासून इच्छा मी बरी होण्याची. हे सगळं अनोखं रसायन जादू सारखंच काम करतंय तर एकत्र, औषधा पलिकडे जाऊन. एका व्यक्तीच्या आरोग्यासाठी / माझ्या पायांनी ठणठणीत व्हावं म्हणून कित्ती स्रोत, दिशेने आणि बाजूने कळत / न कळत प्रयन्त होत आहेत आणि ते उपयोगी पडतांना दिसत आहेत बघा. माझ्यासाठी तर हि जादूच आहे आणि अनेक जादूगार ह्यात सामील आहेत प्रत्यक्ष / अप्रत्यक्ष रित्या.

अनेक हिंदी चित्रपटातला सुप्रसिद्ध संवाद आठवला मला "दुवा और दवा" आणि त्याची अनुभूती पण आली, ह्या आधी पण अनेकदा अनुभवलं होत मी पण आज खास प्रकर्षाने मांडावसं वाटलं ह्या अदृश्य जादूभऱ्या औषधाबद्दल.