गेली अनेक वर्ष मी डॉक्टरांच्या संबंधित हे एक वाक्य नेहेमी ऐकलं आहे, किंबहुना कानावर पडलं आहे ते असं कि डॉक्टर असा असावा कि त्याला बघता क्षणीच अर्धा रोग नाहीसा व्हावा. शब्दशः नाही, पण बऱ्याच अंशी. डॉक्टर असा दिसावा, प्रसन्न व्यक्तिमत्व असावं, मधाळ बोलणं आणि शांतपणा ई. अगदी तस्सेच मग पेशंट नी देखील, अर्थात ज्यांना सहज शक्य आहे त्यांना, जे चालत स्वतः डॉक्टर कडे येऊ शकतात त्यांनी जरा प्रदर्शनीय असे गेले तर? प्रदर्शनीय म्हणजे दर्शनीय, मस्त, स्वच्छ आणि भन्नाट. असे गेले कि १. त्या पेशंटला स्वतः फार उत्साही वाटणार ह्यात शंकाच नाही. जरी काही दुखत फुकत असलं तरी असं साधंच पण छान तय्यार होऊन गेलं कि वेगळी स्फूर्ती येतेच. ते देखील मग पट्टाकिनी बरं व्हायला फार उपयोगी पडतं. गोळ्या औषधे खूप छान परिणाम दाखवतात. २. प्रत्येक पेशंट जरा असं साधा पण छान उत्साही आला तर त्या डॉक्टर ला देखील मरगळ येणार नाही. सततचा तो औषधांचा वास, इंजेक्शन, गोळ्या औषधे ई. बद्दल चर्चा ह्यातून रंगीबेरंगी आणि हवाहवासा बदल दृष्टीस पडेल. ह्या सगळ्याचा परिणाम म्हणजे डॉक्टरला किंचितही थकवा जाणवणार नाहीच, तसा पण जाणवत नाहीच, पण एक थर जास्त भर नाही का. हे एक मस्त चक्र असल्यासारखे काम करेल, पेशंट्स मस्त - डॉक्टर भन्नाट - त्यामुळे मग पुढे येणारे पेशंट्स निरोगी होणार झटकीपट. फक्त डॉक्टरनेच का उत्साही राहायचं, मस्त दिसायचं आणि काही अंशी रोग पळवायचे. जास्त प्रमाणात रोग पळवू या, दोन्ही कडून प्रयत्न होऊ देत. सर्व पेशंट्स राहतात उत्तम, पण थोडीशी मरगळ झटका, तय्यार होऊन तर बघा, जे दुखतंय त्याला स्वीकारा, तक्रार म्हणून नाही तर सल्ला म्हणून डॉक्टरशी गप्पा मारा थोडक्यात आणि मग बघा बदल. कोण म्हणत कि डॉक्टर इतके तज्ज्ञ असतात कि त्यांना कशाची गरज भासत नाही? पेशंट दिसावा असा, प्रसन्न व्यक्तिमत्व, मधाळ बोलणं आणि शांतपणा ई. कि डॉक्टर, नर्स, लिफ्ट चालक आणि इतर सर्वांनाच उत्साह फक्त वाढणार नाही तर टिकेल देखील. काही पेशंट्स चे असे सळसळते व्यक्तिमत्व बघून इतरांचे रोग छू मंतर होतील.
कोणत्याही टिप्पण्या नाहीत:
टिप्पणी पोस्ट करा