सध्या हे प्रमाण अतिशय वाढलं आहे आधी फारच नगण्य होतं. मी फक्त महाराष्ट्रा बद्दल येथे बोलते आहे. मंगळसूत्र हा एक फार महत्वाचा दागिना आहे गेली अनेक पिढ्या. हा फक्त दागिना नाही, तर खूप काही आहे त्या मागे. एक म्हणजे प्रतीक, दुसरं गुंतवणूक, पुंजी, संपत्ती, तिसरं म्हणजे सौंदर्य वृद्धिंगत करणारी वस्तू, मान, सन्मान आणि बरेच काही. आताशा शेकडो स्वरूपात मंगळसूत्र उपलब्द आहे, खरं, खोटं, एक ग्रॅम, ह्या धातूचं - त्या धातूचं, छोटं, मोठं, पारंपरिक, नाविन्यपूर्ण, ड्रेस वर घालता येण्यासारखं, साडीवरचं, नऊवार वरचं, पाशात्य ड्रेस वरचं, तरुण, म्हातारं, समारंभाला साजेसं, दररोज वापरण्यासाठीचं आणि असे कित्येक रंगात, ढंगात... यादी खूपच मोठी होऊ शकते. मग असं सगळं असतांना का नाही परिधान करायचा हा स्त्रियांसाठी विचारपूर्वक खास घडवलेला दागिना? फक्त फॅशन म्हणून, गळ्याची शोभा म्हणून, मिरवायला ई. कोणाला जर त्वचेच्या समस्या असतील तर खोटं टाळा, खरं घाला. किंवा खोटं थोड्या थोड्या वेळ घालून सवय करा, बाकी काही उपाय शोधा. रोज वेगवेगळे घाला, फ्लॉन्ट करा, शान मारा हो, स्वतःसाठी करा, त्यामुळे मिळणारा आनंद मिळवा आणि त्याचा उपभोग घ्या. पण मस्त दिसा, मंगळसूत्र वापरा.
कोणत्याही टिप्पण्या नाहीत:
टिप्पणी पोस्ट करा