खाद्यपदार्थ तुमच्या द्वारी

एको अहं, द्वितीयो नास्ति, न भूतो न भविष्यति!

ह्या नवीन दिवसात तर होम डिलिव्हरी ला पेव फुटलंय कारण सध्याची ती गरज म्हणून. पण आधी देखील सहज म्हणून किंवा बदल म्हणून खाद्यपदार्थ घरी मागवले जायचे. वैविध्य मोबाईल अँप आहेत आणि त्याचा वापर करून सगळ्यांचीच सोय होते, ज्यांना पदार्थ हवे आहेत, रेस्टॉरंट्स, डिलिव्हरी देणारे, मोबाईल अँप तय्यार करणारे ई. अनेक. बऱ्याच वर्षांपासून प्रत्येक अँप च्या रंगांचे, नावाचे एका ठराविक पद्धतीचे पोशाख घालून घाईत ये-जा करणारे लोक दिसतात. हे डिलिव्हरी करणारे बहुतांशी दुचाकी वर असतात. माझ्या अगदी शेजारी काही नोकरी करणारे मुलं राहतात एकटे, कुटुंबासोबत नाही. त्यामुळे ते सतत काही ना काही खाणं मागवतातच. विविध वस्तू पण ऑनलाईन मागवण चालूच असत. ३-४ मुलं असल्यामुळे त्यांच्या आवडीनुसार, सवडीनुसार सातत्याने डिलिव्हरी करणारे येतच असतात.

परवा दोन वेगळे अनुभव आले, काहीतरी वेगळं माझ्या दृष्टीपथात पडलं, आश्चर्य वाटलं आणि कुतूहल पण.

खाणं मारुती वागेनार मधून आलं आणि काही वस्तू ऑटो रिक्षा मधून. अहाहा. आवडलं मला. थोडा विचार केला तर असं वाटलं कि मारुती गाडी हि टॅक्सी होती. लॉक डाउन मधे टॅक्सी चा धंदा चालत नसल्यामुळे हा उत्कृष्ट पर्याय शोधून काढला असं वाटलं त्या चालक - मालकाने. आवडलं मला. एका वेळी त्या भागातल्या अनेक ऑर्डर घेऊन डिलिव्हर करायच्या, शिवाय इतका पाऊस पाण्याचा पण प्रश्न उद्भवणार नाही, कार असल्यामुळे. तेच ऑटो रिक्षा काकांचं देखील असेल.

असो. काही का असेना, पोटापाण्यासाठी चाललेली धडपड अशीच प्रगती पथावर राहो हि प्रार्थना.