सध्याच्या आधुनिक मुलामुलींच्या आवडीचा पोषाख म्हणजे हे शॉर्ट्स. अर्थात हे घालण्याला काहीच बंधनं नाहीत वयाची, कोणीही घालू शकतं आणि घालतात देखील, सर्रास. खूप जण आवड म्हणून, फॅशन च्या नावाखाली तर काही ट्रेंड म्हणून, किंवा मिरवायला घालतात शॉर्ट्स. खूप जणं कधीही, कुठेही, केव्हाही, संबंध नसतांना उगाचच मिरवतात शॉर्ट्स. तुम्ही जर समुद्र सपाटीवर असाल किंवा उन्हाळा आहे, सहन होत नाही आहे, घरी आहेत, तर ठीक आहे हा पेहेराव, पण सर्वत्र आणि ते देखील आपल्या देशात ज्यात वर्षातले बरेचसे दिवस ऊन असतं. त्यामुळे बऱ्यापैकी ड जीवनसत्व मिळतं सर्वांना. ज्या देशात ह्या पोषक तत्वाची कमी भासते, किंवा ज्या देशात वर्षातले अनेक महिने बर्फ पडतो, किंवा ज्या देशात "काय चड्ड्या घालून फिरतात..." अश्या फालतूच्या वाक्यांना सामोरं जावं लागत नाही त्यांनी किंवा त्यांच्यासाठी खरं तर आहेत ह्या शॉर्ट्स. किंवा ज्या देशात थोरामोठ्यांचा आदर आणि सन्मान वेगळ्या ढंगाने केला जातो तेथे ठीक आहे. मला एक सांगा कितीदा उठसूट परदेशात साडी किंवा नव्वार नेसली जाते / धोती घातली जाते? अगदी क्वचितच. मग आपण "आधुनिक" ह्या सदराखाली का हे सगळं सतत करायचं? महत्वाचं म्हणजे प्रत्येक नागरिकाला जरी स्वतंत्र जगायचा अधिकार आहे तरी देखील आजूबाजूचा समाज, नजरा, सुरक्षितता ह्यांचा विचार करावा. आणि मला एक साधं सोप्पं समीकरण सांगा, जर प्रत्येक वेळी प्रत्येक ठिकाणी गरज नसतांना शॉर्ट्स घालून मिरवलं तर बाकी असंख्य पद्धतीचे ड्रेस कधी घालणार हो, जे आपले आहेत, ज्यात आपण उठून / खुलून भारदस्त दिसतो. भारतीय व्यक्तिमत्व इथल्या वातावरणाला, ऋतूला साजेसं असं वैविध्य नटणे विसरतोय हो. असं होऊ देऊ नका, "जैसा देश वैसा भेस" विसरू नका. संपूर्ण कपाटभर गोष्टी आहेत त्या मिरवा, तो बदल तुम्हालाच आनंद देऊन जाईल ह्यात शंकाच नाही. करून तर बघा. फॅशन करा, पण अंधानुकीकरण करून नाही तर तुम्हाला / तुमच्या व्यक्तिमत्वाला / व्यक्तित्वाला साजेसा असा पेहेराव करून, साधा, सोप्पा पण आधुनिक. कृतूप्रमाणे, आपल्या कलाकारांना मदत म्हणून हातमाग किंवा अजून तत्सम असे प्रकार घालून तर बघा? तुम्ही कोणाचे तरी अनुकरण करण्याशिवाय तुमचे लोक ऐकतील. तुमची एक छाप निर्माण करत राहा, त्याचा नक्कीच फायदा होतो नकळत, नेहेमीच.
कोणत्याही टिप्पण्या नाहीत:
टिप्पणी पोस्ट करा