ध्वनी आणि वायू प्रदूषण

माझी दाही बोटे तोंडात गेली न कळत जेव्हा मी हे बघितलं कि अगदी उजाडलं कि नाही कि गॅस ची गाडी आलीच म्हणून समजा, मग तो रविवार का असेना. हे चित्र कदापि नव्हतं माझ्या लहानपणी. खूप दिवस आधी गॅस च बुकिंग करावं लागायचं, सिलिंडर घरी आणून देणाऱ्या लोकांची मनमानी / मुजोरी असायची, आणि रविवार काय ते फार प्रकर्षाने कचेरीच्या वेळा पाळायचे. वेळ संपायच्या आत ते गायब. आता हा बदल का झाला अचानक, ते देखील ३६० अंश? खूप सोसायट्या वाढल्या मोठ्या प्रमाणात म्हणून? सोसायट्या वाढल्या कारण लोकं नोकरी धंद्याच्या निमित्याने शहराकडे वळले, विभक्त कुटुंब निर्माण झाले, घरच्या स्त्रीच्या ऐवजी मोलकरणीच्या हाती गेला तो गॅस ई. पण नाही हो, आज मला एक अजून नवीन कारण प्रकर्षाने जाणवले, उमगले. त्याच माझ्या लहानपणी गॅस पेटवण्याकरता काड्याची पेटी वापरली जायची. बहुतांशी एक वेळच्या संपूर्ण स्वयंपाकासाठी आई एकाच काडी वापरलेली मला आठवते कारण तसं नियोजन असायचं आणि गरज भासल्यास कागद देखील वापरला जायचा. त्यानंतर आगमन झाले लायटर महाराजांचे. सगळेच लायटर खूप छान काम करतात आणि बरेच दिवस टिकतात देखील. पण त्यात देखील काही निवडक आहेत जे लावीनपणा त्यांचा संपला कि एका झटक्यात गॅस बर्नर पेटवत नाहीत. बरीच खटाटोप कारवी लागते, गॅस फुल वर ठेऊन खटखट केल्यावर मग काही वेळाने गॅस पेटतो. त्यामुळे गॅस वायू वाया जातो आणि हवेला एक नवीन काम लागतं ते वेगळंच, त्या वाया गेलेय गॅसला सामावून घ्यायचं. सहज अंदाज घ्या असे लायटर जर अनेक घरांमध्ये असतील तर? कित्ती प्रमाणात अपव्यय होतोय. नो वंडर रविवारी देखील आणि क्षणात सिलिंडर आताशा घरपोच पोचता केला जातो, इतक्या मोठ्या प्रमाणात सिलिंडर ची गरज भासते आहे. मंडळी, असा जर लायटर तुमच्या घरी असेल तर एक तर नवीन आणा नाहीतर काडेपेटी वापरा. ध्वनी आणि वायू प्रदूषण टाळा. ध्वनी ह्या करता कारण एक तर खटखट आणि दुसरं म्हणजे त्या सिलिंडर च्या गाडीचा सातत्याने येणार प्रचंड भयानक आवाज.