ऐका आणि बघा, व्यक्त व्हा - २ कसे?

 ऐका आणि बघा, व्यक्त व्हा - २ कसे?

 YouTube Link to listen to this Anukath: https://youtu.be/qDdBodQwPow 

ऐका आणि बघा, व्यक्त व्हा - १

ऐका आणि बघा, व्यक्त व्हा - १

YouTube Link : https://youtu.be/ovFhi50tlvQ

 

 

व्यक्त व्हा - ५ कोणासमोर?

 कोणासमोर व्यक्त करायचं - ५

तुमचं तुम्हालाच कळेल अनुभवातून कोणासमोर, कधी आणि किती व्यक्त व्हायचे ते. सहज, माझी आई म्हणते तिच्या भजनात "अनुभवातून आत्म प्रचिती...". करत गेलात कि मार्ग स्वच्छ दिसायला लागतात, त्यामुळे करा, सतत.

सुरवात करतांना कागदावर व्यक्त व्हा, पुन्हा पुन्हा वाचा, कदाचित सुरवातीला पुन्हा वाचतांना बदल करावेसे वाटतील, करा. कारण हे सगळं फक्त तुमच्या एकट्या साठी चालू आहे, हे लक्षात ठेवा.

रेकॉर्ड करण्या आधी, गरज वाटल्यास आरश्या समोर उभे राहून बोलून बघा. किंवा रेकॉर्ड करा, ऐका, आवडल्यास स्टोर करा आणि शेअर करा.
फायनल व्हर्जन शेअर करण्याआधी तुम्हाला योग्य वाटत असेल तर तुमच्या घरच्या टॉमी असेल तर त्याच्याशी बोला, बोलता बोलता अजून भन्नाट शब्द आठवतील, वेगळ्या प्रकारे कसं मांडता येईल हे लक्षात येईल ई.

शेजारचे मित्र / मैत्रिणी असतील तर त्यांच्याशी बोला, जपून पण मोकळे व्हा, फार उपयुक्त असा हा तरणोपाय आहे, कारण माणसांशी बोलल्यावर प्रतिक्रिया मिळतात ज्या आरश्या समोर आणि टॉमीशी बोलून जे मिळतात त्या पेक्षा वेगळ्या असतात.

माझ्या दृष्टीने संगणकासारखा दुसरा सख्खा मित्र नाहीच, कारण तो तुम्हाला कधीच जज करत नाही / चुकीचं घेत नाही. त्यामुळे स्वतःच्या लॅपटॉप वर मस्त फोल्डर तय्यार करा आणि सुरु व्हा. ते शब्द शेअर करत नाही तो वर फक्त तुम्हालाच दिसणार आहेत, बरोबर?

आई, बाबा, नातेवाईक (तानेवाईक नाही बरं  का) ई. शी पण चर्चा करता येईल आणि व्यक्त होणं सोप्प जाईल. चला तर मग इतके सगळे विविध प्रकार आहेत, व्यक्ती आहेत, (आरसा कुत्रा शेजारी संगणक मित्र आई बाबा नातेवाईक ई.) सुरु व्हा आणि परमानंद उपभोगा आणि एखाद्याचं जीवन जरी मार्गी लागलं तुमच्या व्यक्त होण्याच्या शैली मुळे, तर मग काय विचारता. अप्रतिम होईल, नाही का? अर्थात तो मार्गी लागलेला व्यक्ती तुम्हाला त्याच श्रेय देवो अथवा न देवो, आपण तर हे सगळं स्वतः साठीच करतो आहे, बास तर मग. 

https://drpreetimulay.blogspot.com/2021/08/blog-post_20.html

Also find me on Medium.com https://link.medium.com/VyP5yiGmqib  

Listen to this story on YouTube : https://youtu.be/Mi6VWPCy0bs

#speak-up #in-front-of-many #many-choices #friends #neighbors #pet #mom #dad #enjoy

व्यक्त व्हा - ४ कोणासाठी?

 व्यक्त व्हा - ४ कोणासाठी?

१. स्वतः साठी आणि २. दुसऱ्यांसाठी

व्यक्त व्हा - १ मधे नमूद केल्याप्रमाणे स्वतःसाठी व्यक्त व्हा, कारण हलकं फुलकं वाटत. डोक्यात, मनात कचरा साठून राहत नाही आणि त्याची दुर्गंधी पसरत नाहीच. सदोदित टवटवीत राहण्याचा सुलभ मार्ग म्हणजे व्यक्त होणं.

• आपण दिवसातनं अनेक विध उपक्रम / गोष्टी करतो, त्या टिपून ठेवा
• भूतकाळातल्या गोड / आठवणीना उजाळा द्या हळूहळू आणि मांडा
• घर ते ऑफिस ह्या मार्गावरच्या आठवणी मांडा
• सध्याच्या WFH ची विविधता आणि तुमचे अनुभव सांगा
• गुंतवणुकीचे मार्ग सांगा
• विविध पदार्थ / कृती सगळे मांडा
• प्रत्येक कला महत्वाची, त्या बद्दल लिहा
• छंदांबद्दल कळवा etc

मागे एकदा मी लिहिल्याप्रमाणे दूध-केळ, दूध-पोहे अश्या साध्या कृती पण तुमच्या शैलीत टाकण्याची सोय टेकनॉलॉजि ने दिली आहे आता. त्यामुळे फक्त सुरवात करा. बास.

हे झालं स्वतःसाठी व्यक्त होणं, स्वतः बद्दल व्यक्त होणं, स्वतः चे लपलेले गुण समोर आणणं ई. हे सगळं केल्यामुळे मग बघा कसा बदल घडेल तुमच्या मधे न-कळत / सहज.

एवढं केलं तरी खूप आहे, कारण स्वतः साठी करता करता हे जेव्हा सगळं जगासमोर येईल तेव्हा कोणाला न कोणाला तरी त्याचा भरपूर उपयोग होईल, आज नाही तर उद्या. त्याची वाट बघायची नाहीच, आपण फक्त करत राहायचं. दुसऱ्यांसाठी उभं राहतो खजाना माहितीचा, ज्ञानाचा आणि प्रेरित करण्याचा अश्यानेच.

पुन्हा एकदा एक छोटीशी गोष्ट येथे देते. हि गोष्ट मी एका मराठी वृत्तपत्रात वाचली होती. एक आजी गुढघे दुखीने त्रस्त होत्या, हाडांच्या तज्ञाकडे गेल्या, त्याने रीतसर उपचार सुरु केले. १५ दिवसांनी यायला सांगितलं आजींना. गेल्या १५ दिवसांनी आणि काहीही बदल नव्हता. मग गोळ्या बदलून दिल्या गेल्या, १५ दिवसांनी पुनश्य हरी ओम. मग आजी वैतागल्या. डॉक्टर म्हटले आजी तुम्ही सूर्य नमस्कार करा. आजीनी सुरु केले आणि अंथरूण धरलं. थोडसं बरं वाटल्यावर आजीनी पुन्हा सूर्य नमस्कार करायला सुरवात केली पण ह्या वेळी त्यांनी जेव्हा "मित्राय नमः" म्हटलं तेव्हा अचानक त्यांना त्यांचा एक मित्र / मैत्रीण आठवले, आणि सिलसिला सुरु झाला, इतक्या वर्षातले शेजारी, मैत्रिणी, ई. आठवले.  केव्हा ११ सूर्य नमस्कार आनंदाने पूर्ण झाले लक्षातच आले नाही. गुढघे दुखी इतिहासात जमा झाली होती. ह्या अनुभवाबद्दल त्या व्यक्त झाल्या आणि अगणित जीवांना फायदा झाला, अनेक प्रकारे. हे आहे व्यक्त होण्याचं महत्व.

छोटे का मोठे प्रसंग / अनुभव, उपयोगी का नाही, काय वाटेल लोकांना, कोणी वाचतील का? ई. कशाचीही फिकीर न करता पुढे चला, ताबडतोब, आज,आत्ता. ओके. 

Listen to this story on YouTube: https://youtu.be/yB5e4muyXG8 

Find me on Medium.com https://link.medium.com/WRDi6ZFkqib

#importance-of-friends #speak-up #write #note-down #publish #for-self #for-others #peaceful #motivational #importance-of-others

व्यक्त व्हा - ३ कधी ?

 व्यक्त व्हा - ३ कधी ?

अहो कधीही, वेळ काळ बघण्याची गरज नाहीच, कारण व्यक्त व्हा -२ मधे सांगितल्याप्रमाणे रेकॉर्ड करून ठेवा, नमूद करून ठेवा सवडीप्रमाणे आणि मग गरज पडल्यास शेअर करा, त्यामुळे, कधी हा प्रश्नच उद्भवत नाही. किंवा रेकॉर्ड करायचा मूड आला कि ताबडतोब व्यक्त व्हा, त्याचे अनेकविध फायदे आहेत, आणि एक दिवस एक वेळ ठरवा आणि पोस्ट करा. बास. म्हणजे तुमच्या वाचकांना पण त्या वेळेची सवय होईल, ते तुमचे विचार / गोष्ट ऐकण्या करता वाट बघतील.

अर्थात तुमच्या हातातील महत्वाची कामं बाजूला ठेवून व्यक्त होत बसू नका हो, नाहीतर गडबड होईल. त्यामुळे मनात विचार येतील तेव्हा टिपून ठेवा कुठे तरी मग त्याला सजवा, नटवा, रंगरंगोटी करा आणि मग पोस्ट करा.

ऑफिस ची, घरातली, समाजाची कामं करत करत, नवनवीन गोष्टी टिपत टिपत व्यक्त होत राहा. आपल्याला सगळ्याच गोष्टींचा समतोल साधायचा आहे. माझ्या दृष्टीने टेकनॉलॉजिचा उपयोग करून व्यक्त होणं हि पण एक आज घडीला उपयुक्त अशी समाजसेवाच आहे. त्यामुळे कागद पेन / पेन्सिल, गुगल-बाबा, ई. काहीही तय्यार ठेवाच आणि नेहेमीच व्यक्त होत राहा.   

#speak-up #talk-out #share-thoughts #google-services #pen #paper #record-audio #record-video #post-on-social-media #relax #whenever-possible #always-grasp #always-note

व्यक्त व्हा - २ कसे ?

व्यक्त व्हा - 2 कसे ?

टेकनॉलॉजि वापरून. आताशा तंत्रज्ञानाचा उपयोग करून व्यक्त होणं सहज सोप्प झालं आहे.

१. आधी डोक्यात गोष्ट / मुद्दे तयार ठेवायचे
२. रेकॉर्ड ऑडिओ नावाची सर्विस असते बहुतेक मोबाईल मधे, ती वापरून आपल्या डोक्यातील विचार रेकॉर्ड करायचे
३. साजेसं नाव द्यायचं आणि स्टोअर करायचं.
४. हवं असल्यास बाकीच्यांशी शेअर करायचं.

हेच मुद्दे मायक्रोसॉफ्ट वर्ड नावाचं सॉफ्टवेअर वापरून लिहायचं, जर इंग्लिश भाषेत असेल तर. जर मराठी किंवा अजून कुठली बोली भाषा असेल तर गुगल ची ऑनलाईन सर्विस वापरायची आणि सगळे मुद्दे सॉफ्ट कॉपी मधे उतरवायचे.

त्यानंतर भरपूर स्क्रीन रेकॉर्डिंग चे सॉफ्टवेअर आहेत, ते वापरून विडिओ रेकॉर्ड करायचा म्हणजे आपल्या कडे एक आठवण राहते किंवा दुसऱ्यांबरोबर शेअर करता येते सहज. रेकॉर्ड करण्याकरता https://screencast-o-matic.com/ ह्या संकेत स्थळाचा / वेब साईट चा उपयोग सहज करता येतो. किंवा मायक्रोसॉफ्ट पॉवरपॉईंट नावाचं एक सोप्प सॉफ्टवेअर आहे त्यात पण रेकॉर्डिंग होत.

आता पर्यंत आपण ऑडिओ आणि विडिओ कसा तय्यार करून व्यक्त व्हायचं हे बघितलं.

त्याशिवाय विविध सोशल मीडिया साईट्स वर तुम्ही लिहिलेलं प्रदर्शित करू शकता, जसे कि फेसबुक, ब्लॉग साईट, https://medium.com/ आणि बरेच असे.

एकदा तुम्ही विचार जुळवून लिहायला, टिपायला, रेकॉर्ड करायला सुरवात केली कि तुमच्याकडे भरपूर गोष्टींचा साठा तय्यार होईल. मग तो तुम्ही एखाद्या वर्तमान पत्राला पण पाठवू शकता. त्यांना आवडलं, भावलं तर ते छापतील देखील. आणि एकदा जर का तुम्हाला तंत्रज्ञान वापरून व्यक्त होण्याची सवय लागली, कि लोक वाचून प्रतिक्रिया देतात, आणि आपल्याला अजून व्यक्त व्हावसं वाटत. किंबहुना आपण मग अजून हिरीरीने लिहायला / विचार मांडायला सुरवात करतो, व्यस्त राहतो आणि मग वेगवेगळे मार्ग सुचत जातात अजून विविध तंत्रज्ञान वापरायचे, व्यक्त व्हायचे, फायद्याचे ई. पॉडकास्ट हा पण मग एक प्रकार वापरू शकतो. थोडक्यात पॉडकास्ट म्हणजे मुलाखत घेणे, प्रश्न विचारणे, ऑडिओ फाईल असते आणि खूप प्रसिद्ध प्रकार आहे सध्याच्या टेकनॉलॉजि चा.

तर मंडळी, स्वतःचे कलेक्शन करून तर बघा, कुठल्याही फॉर्म मधे चालतील पण टेकनॉलॉजि वापरून व्यक्त व्हा, साठवून ठेऊ नकाच, बघा कशी मज्जा येते ते. चला आजच सुरु करा, जो पहिला विचार येईल त्या बरोबर.  

https://youtu.be/qDdBodQwPow

#speak-up #in-audio-form #record-audio #mobile-service #mobile-software #mobile-app #Microsoft-word #Microsoft-powerpoint #medium.com #screencast-o-matic.com #screen-recording #podcast #newspaper #collection-of-thoughts #useful-for-others #motivational

व्यक्त व्हा - १

प्रत्येकाच्या डोक्यात नेहेमीच खूप काही विचार येत असतात, सतत काही तरी चालूच असतं, नाही का? अनेक संशोधक म्हणतात कि प्रत्येकी सरासरी ६००० विचार दर डोई दर दिवशी येतात / शिवतात. ह्यात बहुतांशी विचार / कल्पना ह्या उपयोगी असतात, स्वतः करता आणि इतरांकरता देखील. मग त्या आपोआप डोक्यात आलेल्या विचारांना तुमच्यापाशी न ठेवता सगळ्यांशी शेअर करा म्हणजे 

• एक तर फार मोकळं वाटेल तुम्हाला आणि 
• दुसरं म्हणजे मोकळं वाटणं म्हणजे डोक्यातलं जाऊन नवीन गोष्टींसाठी जागा करणं, 
• तिसरं म्हणजे ह्यातून जो नवनिर्मितीचा आनंद मिळतो तो ह्या जगा पलिकडचा असा असतो नेहेमीच, 
• चौथ म्हणजे आपण सहज, साध्या सोप्या भाषेत दुसऱ्यांसाठी काही तरी पेरतो, ते दुसरे म्हणजे आपलीच नवीन पिढी किंवा मित्रमैत्रिणी, किंवा बाहेरचे. 

ह्या पेरलेल्याचा कोणाला कधी कसा उपयोग होईल हे सांगताच येत नाही. त्यामुळे अजिबात फक्त स्वतः कडे साठवून ठेवू नकाच. व्यक्त व्हा. सोप्प आहे आणि हळू हळू भन्नाट मज्जा येते. शाळेत शिकवलेले ऍक्टिव्ह व्हॉइस / प्यासिव्ह व्हॉइस चा सदुपयोग करा. सकारात्मक मांडण्याचा प्रयन्त करा. फक्त तक्रारी नको, रादर तक्रारी नकोच. हे करण्यासाठी कुठलीही भाषा चालेल, कुठलीही पद्धत म्हणजे लिखित, भाषिक म्हणजे विडिओ, किंवा अजून काही, पण करणे महत्वाचे. 

 

YouTube Link: https://youtu.be/ovFhi50tlvQ

#speak-up #spell-out #share #share-thoughts #use-technology #in-audio-form #in-video-form #writing-form #story-form #free-your-mind #never-stock-up #beneficial-for-others #motivational #happiness #active-voice #passive-voice #positive #no-complaints